x

Maslinovim uljem protiv ispadanja kose!

Radi svojih blagotvornih svojstava maslinovo je ulje je dobro poznato i korišteno u kozmetici. Duboko hrani kožu i reguliše prirodan sastav njene hidratacije.  

Djeluje protivupalno kod raznih bolesti kože, za zacjeljivanje rana i opekotina. Hrani kosu i daje joj sjaj, njeguje nakon izlaganja suncu, umiruje skalp, a uz kosu jača i nokte.

 

Maslinovo ulje štiti obojanu kosu

 

Maslinovo ulje takođe štiti obojanu kosu i održava je sjajnom, odlično je u kombinaciji s eteričnim uljem limunske trave i rimske kamilice - dovoljno je dodati 2-3 kapi eteričnog ulja na kašiku maslinovog ulja koje ćeš utrljati u kosu i ostaviti da stoji barem 10 minuta ili nekoliko sati, i zatim oprati kosu na uobičajeni način.

 

Za njegu ruku i noktiju posebno se dobro kombinuje s eteričnim uljem limuna ( oprez: eterično ulje limuna je fototoksično pa ovom mješavinom ruke njeguj samo naveče).

 

Recept za jačanje i prevenciju ispadanja kose kod muškaraca

 

2 kašike maslinovog ulja

4 kašike shea (karite) maslaca

20 kapi eteričnog ulja ruzmarina kemotipa cineola

10 kapi eteričnog ulja atlaskog cedra

 

Omekšaj shea maslac na parnoj kupelji, dodaj maslinovo i eterična ulja i dobro promiješaj. Pripravak se koristi kao pakung prije pranja kose - utrljaj u vlasište, ostavi da stoji oko 30 minuta pa operi kosu na uobičajeni način. Možeš nanositi jednom ili dvaput nedjeljno.

 

Izvor: Kolektiv.me

KOMENTARI
0

Morate biti registrovani i prijavljeni kako biste komentarisali sadržaj.