x

Pranje kose, veša, uzimanje lijekova: Ovo su stvari koje nikako niste smjeli raditi prvog dana Nove godine!

Mnoga sujevreja ovog tipa potiču iz Kine, koja administrativno 1. januar obilježava kao prvi dan u godini, ali tradicionalno godinu računa prema lunarnom kalendaru. Shodno tome, njihova vjerovanja šta obavezno izbjegavati prvog dana u lunarnoj godini, svijetom su usvojena kao lista zabranjenih stvari 1. januara. Ovo je 10 kineskih vjerovanja koja su se raširila svijetom:  

Lijekovi

Uzimanje lijekova prvog lunarnog dana, a u našem slučaju 1. januara, po kineskim vjerovanjima ne znači samo da da ćete biti bolesni u narednoj godini, već da nećete moći bez lijekova čitave godine.

Doručak

Iako svi znamo da je ovo najvažniji obrok u toku dana, a da se kao najbolji preporučuje kaša od žitarica, kineska sujeverja tradicionalano nalažu da se ona izbjegava u širokom luku. Kaša je, prema njima, povezana sa siromaštvom, a to je mnogima poput prokletstva.


Pranje veša

Konačno imate izgovor da ignorišete gomilu veša koji čeka pranje. Rasprostranjeno je vjerovanje da se prva dva dana u novoj godini nikako ne pere veš, jer to priziva mnoge loše stvari. Vjerovanje je poteklo od tradicije proslave rođendana Šuišena (Boga vode).

Pranje kose

Koliko god da je luda žurka bila, rasprostranjeno vjerovanje je da se prvog dana u godini ne pere kosa. Porijeklo ovog sujevjerja ima veze sa kineskim jezikom odnosno pismom i izgovorom. Odnosno "kosa" na kineskom ima isti znak i izgovor "fa" kao i u frazi "fasai" koja znači postati bogat ili zaraditi novac.


Oštri predmeti

Takođe vezano za gubitak bogatstva, upotreba noževa, makaza i sličnih oštrih predmeta, je pod "nikako" u kineskom verovanju. Ovi predmeti mogu dovesti do nepovoljnih stvari uključujući i gubitak bogatstva, što je u njihovoj tradiciji jedan od velikih strahova.

Izlazak iz kuće

Ovaj kineski običaj se uveliko rasprostranio širom sveta, a ukoliko vam je zapalo da morate da radite 1. januara, objasnite svom šefu da će on biti kriv što vas je osudio na "lošu sreću" čitave godine, kako Kinezi duboko vjeruju. U Kini se toliko jako drže ovog ubjeđenja, da čak ni udate kćerke ne posjećuju svoje roditelje prvog dana u godini, jer vjeruju da će to doneti nesreću roditeljima i prouzrokovati ekonomsk epoteškoće čitavoj porodici.


Metla

Još jedan sjajan izgovor da se ne hvatate metle 1. janura. Ukoliko se prvog dana u godini latite metle ili neke vrste čišćenja - i vaše bogatstvo ili blagostanje bi mogli biti "počišćeno".

Dugovi

Ono što niko ne voli, ma gdje da živi su svakako dugovanja, ali prema kineskom vjerovanju na početku godine ni ne pomišljajte na njih. Naravno, Kinezi vjeruju da pozajmljivanjem novca prvog dana "obezbjeđujete" čitavu godinu u nemaštini i dugovanjima. Međutim, njihovo vjerovanje da ćak i ako vama duguju novac, nikako ga ne uzimate nazad prvog dana godine jer to donosi nesreću čitavoj vašoj kući cijele godine.



Krađa

Naravno da ne postoji dan u godini kada je dobro da vas pokradu, ali prema kineskom vjerovanju ukoliko vam nešto nestane prvog dana u godini, čitava godina biće obilježena nestašicom ili nemaštinom. Mada, ikoliko se pridržavaju pravila da nigdje iz kuće ne idu tog dana, to teško može i da im se desi.

Pocijepana odjeća

Iako je pored današnjih trendova gotovo nemoguće naći farmerke koje nisu pocijepane, kinesko vjerovanje će vas odmah odvratiti od njih. Oblačenje bilo čega pocijepanog, oparanog ili slično će vam donijeti još nesreće tokom godine, i naravno - siromaštvo.

.

.

.

.

.

.


(Srbija Danas)

KOMENTARI
0

Morate biti registrovani i prijavljeni kako biste komentarisali sadržaj.